среда, 12 октября 2011 г.

Пукисько туннэ мон В. Л. Шибановлэн параяз. Кыче мозмыт!! Гуртэ тодам лыктиз, арня нунал-табань сиен)))Ммммммммм....коты ик гудыръяны кутскиз!!Макем ческыт со: быдэс семьяен жок котыре пуксиськод, гурысь анай пось табань поттэ, сылал пызьнаськод, войын зыраськод, зырет волдиськод...дыльды ик шыыыырр вия. Табанез малпаку, мынам котьку но тодам лыктэ пичи дыры. Арня нунал.Мемие гурын табань пыже, мон возьмасько. Тани меми шуэ "Нылы, мын ай пырты корказьысь зыретэз". Нош мон, пичи маке, зыретэз тодисьтэм на мурт, потисько, ас поннам ма меда со зырет шуыса малпасько. О! тани: син  шорам кострюля йотиз, пушказ маке тодьы суралтэм вань.Пырти. Пось табань нош жок вылын ни. Сылал пызьнай, войын зырай но суралтэмез волди. куртчи но...фууу ма та таче?!!ма сыче курыт??!мемие дорам вуиз но чабкиськиз: ма мае тон нылы сииськод таче? ма та кирень суралтэм ук!!Э, чок чок! кыче "ческыт" кошкиз мыным соку. ноку уг вунэты со шомез)))

кин со sinkyli??

эшшо раз умоесь, эшъёс!!))юамды уг-а поты, малы мынам нимы синкыли??эн малпалэ мон бордись, куатаськись шуыса!!мон туж вераськыны яратись, эшлыко, котькинлы юрттыны тыршись синкыли. Нош ма со синкыли?бордон но куректон гинэ-а меда?овол,эшъёс. синкыли - со адямилэн пушкысьтыз чылкыт ву, со адямилэн лулпушез.Котькудиныды мон тыршо таче ик чылкыт но оскымон   эш луыны. соку ойдолэ ватсаськов ог-огмы доры но мылысь-кыдысь вераськом!!))

четверг, 6 октября 2011 г.

Юлипусик

ехууууууууууу!!! мынам вань блоге таре...
чырткемесь, эшъёс. мон, Юлипусик, пумитасько тиледыз аслам блоглэн бамаз)))